كيف تجعل فيديوهاتك أكثر وصولاً على الشبكات الاجتماعية

اهلا بيك اخونا الغالي ريمون
حقيقي مبسوطين جداااا من شغفك الدائم للتعلم والنمو .. وفخورين بكل انجاز بتعمله على المنصة وبتفيد بيه خدمتك ..
-بخصوص سؤال حضرتك عن “هل المعاير دي تنتبطق على كل الأعمار ولا الشباب بس؟”
الاجابة انه طبعاااا دي معايير مهمة تنفع مع كل الاعمار لكن باختلاف بسيط بحسب جمهورك انه لو كبار شوية هتكون اللغة مختلفة عن لغة الشباب، طريقة التقديم مش هتكون واحدة زي كا هتكلم طفل هتكلم شخص كبير لكن بنحافظ على المعايير دي في اطار مايناسب جمهورك من محتوى وطرية عرض ولغة المخاطبة.
-سؤال “استخدام الصور متحركة أو الرموز أفضل ولا تصوير الشخص نفسه؟”
الاجابة انه لكل فكرة منهم وقتها وفكرتها وبرضه بما يناسب جمهورك ينفع تستخدم الاتنين لكن ديما بيُفضل على اغلب منصات السوشيال ميديا انه كل ما كان اللي بتقدمه فيه طابع شخصي للجمهور ده يحسسهم بانك قريب منهم ويحبوا يتفاعلوا معاه .

وباختصار انه اللي بيتقدم في الكورس هنا مجرد مفاتيح واساسيات عامة و مهمة لكن كل شخص بيوظف ده بحسب الانسب للمنصة اللي بيعرض عليها ، كمان بحسب الانسب للجمهور بتاعه ، وبحسب شكل المحتوى اللي بيتقدم .
نتمنى نكون قدرنا نجاوبك على الاسئلة ونساعدك لكن لو لسه في اي حاجه مش واضحة او عندك استفسار مختلف نتشرف جدااااا تشاركنا بيه .