في هذا المقال
لو بتستخدم خدمات برمجة رسائل فيسبوك Chat Bot من خلال أي منصة من المنصات إللي بتقدم الخدمة دي … المقال ده مهم جدًا بالنسبة لصفحتك وخدمتك
إدارة Facebook Messnger أعلنت عن تغييرات مهمة بتاريخ 4 مارس 2020 وضروري تكون بتعرفها عشان تقدم خدمة متميزة لجمهور صفحتك على فيسبوك. مجموعة التعديلات الجديدة متاحة في هذا الرابط الرسمي المرسل من فيسبوك للصفحات
خلفية عامة عن أسباب التعديلات:
- فيسبوك مهتم بأن منصة Messenger تكون بتخدم الأهداف الأساسية ليها وهي:
1- التجاوب مع المستخدمين في وقت محدد في حال تواصلهم من خلال الرسايل.
2- مشاركة أهم التحديثات والأخبار والخدمات الجديدة الخاصة بصفحتك بشكل يرتبط باهتمامات المستخدم.
- بناءً على الأهداف إللي فاتت … فيسبوك بيحاول يضمن إن كل مستخدم للخدمة سواء أصحاب الصفحات أو المتابعين يكونوا بيوصلوا الرسايل بشكل سليم وتفاعلي مش مجرد رسايل أوتوماتيكية.
- علشان تقدر تستخدم الرسائل الأوتوماتيكية ChatBot بتستخدم عناوين مفتاحية اسمها Tags دي إللي من خلالها فيسبوك بيقدر يتواصل مع المنصات إللي بتبرمج الرسايل علشان يفهم نوع الرسالة … والـTags دي أو العلامات المفتاحية كان عددها أكبر قبل التعديل وتم تقليصها إلى 4 Tags هم المتاحين للاستخدام.
أهم بنود التعديلات:
3 تعديلات أساسية هاتبدأ في التنفيذ بدءًا من 4 مارس 2020 وهي:
1) نافذة الـ24 ساعة + 1 تم تعديلها إلى 24 ساعة فقط
(بمعني إن كان متاح ليك ترسل رسالة للعميل في حدود 24 ساعة من ردهم أو مشاهدتهم للرسالة الأولى وبعد ما يغلق النافذة يكون بامكانك تبعت الرسالة إللي بعدها، التعديل الجديد بيخليك تبعت رسالة توصل في حدود 24 ساعة لكن مش متاح ليك تبعت رسالة تانية بعد ما العميل يشوف الرسالة ويقفل نافذة الرسائل).
وده يخلينا نراجع الـSequences علشان الفيسبوك مش هايقبل إنك تبعت رسالة تاني لعميل مش نشط Active بمعنى إنه لم يضغط على زرار جديد علشان ترسل ليه الدرس التالي أو إنه يكتب كلمة معينة
2) تقليل عدد الـTags زي ما وضحنا قبل كده من 17 إلى 4 فقط
(بمعنى إن أي رسالة سواء بطريقة Sequence أو Broadcast لازم تتبع واحدة من الأربع Tags المسموح بيها) … الـ Tags الجديدة هي:
– CONFIRMED_EVENT_UPDATE: بيذكر العميل بأي مواعيد أحداث كان عامل تسجيل ليها.
– POST_PURCHASE_UPDATE: بيبعت للعميل معلومات عن آخر طلب عمله.
– ACCOUNT_UPDATE: بيخطر المستخدم بأي تعديلات خاصة ع الحساب الخاص به.
– HUMAN_AGENT: بيسمح لصاحب الصفحة إنه يرد على العميل.
3) صفحات الأخبار الكبيرة فقط والمعتمدة من فيسبوك هي المسموح ليها باستخدام رسائل الاشتراك Subscription Messaging .
هام للغاية لمستخدمي اي ChatBot
قائمة مراجعة للـ Chat Bot الخاص بك:
راجع فورًا برمجة الـBot الخاصة بك، وتحديدًا كل اجزاء خاصة بـ Sequences و أي رسائل مجدولة للارسال في الجزء الخاص بـ Broadcast/Rearrange من حيث مدة إرسال الرسالة والـTags ويفضل إيقافهم لحين المراجعة وترتيب الارسال بالقواعد الجديدة (لانه في حالة عدم رد الشخص علي اي Sequences خلال الـ 24 ساعة لن يستقبل منك باقي Sequences).
استخدم الإعلانات المدفوعة لنشر أي محتوى يستحق النشر للوصول إلى العدد المستهدف Sponsored Messages إذا كان المحتوى الخاص بك لا يتماشى مع قاعدة الـ24 ساعة الجديدة، لأن الفيسبوك مش هايخليك ترسل رسالة مجانية تانية لشخص مش متفاعل معاك خلال آخر 24 ساعة سواء من خلال Broadcast/Rearrange أو من خلال الدروس المتتابعة Sequences.
شجع المستخدمين على التفاعل للوصول إلى المحتوى التالي كبديل للSequences. بمعنى إنه بدل ما الSequence كان بيرسل رسالة بشكل دوري كل يوم أو كل عدد معين من الساعات، هاتحتاج تبدل النظام ده بنظام يخلي المستخدم يضغط زرار أو يكتب كلمة علشان الفيسوك يعتبر الرسالة نشطة ويقبل إنه يبعت ليه المحتوى التالي.
جمع أرقام التليفونات والبريد الإليكتروني للمستخدمين علشان تتواصل معاهم فيما بعد من خلال البريد الإليكتروني او طرق تواصل اخرى.
العقوبات:
- مخالفة التعديلات الجديدة ممكن يقيد صلاحيات الصفحة بعد ما توصلك رسالة تنبيه وهاتضطر إنك تتواصل مع دعم فيسبوك
Settings> Page Support Inbox
اعدها لك: جوزيف فيكتور
أهم المصادر:
- https://developers.facebook.com/docs/messenger-platform/policy/policy-overview#new_policy
https://www.facebook.com/groups/227684831093598?view=permalink&id=724705024724907 - https://blog.chatfuel.com/facebook-march-4-policy-changes/
- https://manychat.com/blog/facebook-messenger-policy-2020/
- https://mobilemonkey.com/blog/facebook-messenger-marketing-policy-change-for-marketers
- https://docs.chatfuel.com/en/articles/3099704-important-reengage-and-sequences-messaging-tags-and-policies
